„Ég er í formi og líður vel,“ segir hinn geðþekki Gary Martin sem leikur með Selfoss í Lengjudeildinni í ár.
Gary gekk í raðir Selfoss fyrir síðasta tímabilið og elskar lífið þar.
„Ég er spenntur fyrir tímabilinu, ef við erum agaðir getum við barist við bestu liðin. Ég er ekki hræddur við neitt lið hérna.“
Lengjudeildin verður í beinni á Hringbraut í sumar, markaþáttur eftir hverja umferð og einn leikur í hverri umferð í beinni útsendingu.
Gary segir að Selfoss geti barist við bestu liðin. „Við erum með bestu sóknina í deildinni í mér, Hrovje Tokic og Gonzalo Zamorano, það er enginn með þessa sókn. Við þurfum agað lið fyrir aftan okkur. Fram og ÍBV voru með yfirburðar lið í fyrra en ég held að deildin verði jafnari í ár.“
Gary gerði nýjan samning við Selfoss á dögunum og kveðst sáttur þar. „Ég hef ekki áhuga á að spila í efstu deild, ég hef gert allt sem ég þarf að gera. Ég er ánægður í fyrsta skipti í langan tíma, ég var reyndar ánægður í ÍBV en svo gerðust hlutir þar. Af hverju á ég að fara? Ég hef ekki áhuga á að spila í efstu deild. Ef ég mæti Breiðablik þá er ég enn að mæta Damir Muminovic sem ég spilaði ég gegn 2013. Ég nýt þess að spila gegn ungum leikmönnum í Lengjudeildinni sem vilja bara tala skít við mann.“
„Ég vil bara njóta þess að spila fótbolta.“
Lengjudeildin verður í beinni á Hringbraut í sumar, markaþáttur eftir hverja umferð og einn leikur í hverri umferð í beinni útsendingu.