PUMA birtir í dag 2022 útgáfur af öllum heima-landsliðstreyjum sínum. Gegnumgangandi þema er í öllum treyjunum þar sem nútíminn hittir fyrir nostalgíuna, eða eins og segir í fréttatilkynningu PUMA “bringing bold, modern takes on retro vibes and football nostalgia”. Íslenska landsliðstreyjan er að sjálfsögðu þar á meðal. PUMA mun síðan gefa út allar vara-landsliðstreyjur í haust og er það breytt fyrirkomulag þar sem að HM karla fer fram að vetri til þetta árið.
Íslensku landsliðin í sumar og haust
A landslið kvenna mun leika í sérstakri blárri EM-treyju í úrslitakeppni EM á Englandi í sumar og verður sú treyja kynnt sérstaklega nú í vikunni, en A landslið karla mun leika í treyjunni sem nú er kynnt í leikjum Þjóðadeildarinnar í júní. Þar sem við á munu þó bæði liðin leika áfram í núverandi hvíta varabúningnum þetta sumarið, en skipta svo yfir í nýju varatreyjuna seint í haust. Nýja treyjan sem nú er kynnt er væntanleg í verslanir í kringum 13.júní.
Léttasta keppnistreyja sem PUMA hefur framleitt
Nýja landsliðstreyjan er framleidd úr sérstöku efni sem gerir hana að léttustu og þægilegustu keppnistreyju sem PUMA hefur framleitt.