Arnar Þór Viðarsson landsliðsþjálfari Íslands mun í dag velja hóp sinn fyrir fjóra leiki í júní. Miðasala á leiki A karla gegn Albaníu og Ísrael í júní hefst í dag klukkan 25. maí kl. 12:00 á tix.is.
Leikirnir eru báðir í Þjóðadeild UEFA og fara þeir fram á Laugardalsvelli. Ísland mætir Albaníu 6. júní kl. 18:45 og Ísrael 13. júní kl. 18:45.
Ísland leikur fjóra leiki í júníglugganum, en fyrsti leikur liðsins verður gegn Ísrael ytra fimmtudaginn 2. júní kl. 18:45. Liðið mætir svo San Marínó einnig ytra fimmtudaginn 9. júní kl. 18:45.
Leikir A karla í júní
Ísrael – Ísland fimmtudaginn 2. júní kl. 18:45
Ísland – Albanía mánudaginn 6. júní kl. 18:45
San Marínó – Ísland fimmtudaginn 9. júní kl. 18:45
Ísland – Ísrael mánudaginn 13. júní kl. 18:45
Aron Einar Gunnarsson gæti snúið aftur í liðið. Vanda Sigurgeirsdóttir formaður KSÍ sagði við Fréttablaðið að Arnari væri heimilt að velja hann eftir að kæra vegna nauðgunar var felld niður.
Alfreð Finnbogason, Guðlaugur Victor Pálsson og Sverrir Ingi Ingason eru allir heilir heilsu og gætu snúið aftur í liðið.
Jóhann Berg Guðmundsson kantmaður Burnley er áfram frá vegna meiðsla og verður ekki í hópnum.