Íslendingaliðin Rodez og Nimes voru í eldlínunni í frönsku B-deildinni í kvöld.
Árni Vilhjálmsson er á mála hjá Rodez. Hann lék allan leikinn í 2-0 tapi gegn Quevilly Rouen í kvöld.
Þá kom Elías Már Ómarsson inn á sem varamaður og lék síðustu tíu mínúturnar í markalausu jafntefli Nimes gegn Niort.
Nimes er í þrettánda sæti deildarinnar með 40 stig. Rodez er í sautjánda sæti með 33 stig, aðeins fyrir ofan fallsæti á markatölu.
