Simon Sadler, eigandi enska knattspyrnufélagsins Blackpool, keypti hlut í Íslandsbanka fyrir rúmar 292 milljónir íslenskra króna. Kaupin fóru fram í gegnum fjármagnsfyrirtæki hans Segantii Capital sem hefur verið starfrækt síðan árið 2007.
Í gær birtist listi frá fjármálaráðuneytinu yfir kaupendur í útboði Íslandsbanka. Þann 22. mars fór fram sala á 22,5% hlut í bankanum. Ríkissjóður hefur því í tveimur áföngum selt 57,5% hlut í bankanum fyrir því sem nemur 108 milljörðum íslenskra króna.
Sadler reyddi fram 292,5 milljónir íslenskra króna fyrir 0,5556% hlut í bankanum. Hann hefur átt enska knattspyrnufélagið Blackpool síðan árið 2019 en félagið spilar nú í næstefstu deild Englands.