Endurkoma Romelu Lukaku til Inter virðist ekki fjarlægur draumur fyrir framherjann frá Belgíu. Inter seldi Lukaku til Chelsea síðasta sumar fyrir 97,5 milljónir punda.
Lukaku hafði aðeins verið í herbúðum Chelsea í nokkra mánuði þegar hann fór að kvarta og kveina. Hann talaði um ást sína á Inter.
Lukaku sem er 28 ára gamall hefur látið hafa eftir sér að hann vilji einn daginn spila aftur með Inter.
Nú segir Gazzetta dello Sport að Lukaku hafi átt samskipti við leikmenn og forráðamenn Inter, þar hafi meðal annars verið myndbandssímtal þar sem möguleg endurkoma var rædd.
Nánast er útilokað að Inter geti borgað sömu upphæð fyrir Lukaku sem er ósáttur hjá Chelsea. Ítalskir miðlar segja að Inter hugnist að fá Lukaku á láni í sumar.
