Arnar Gunnlaugsson, þjálfari Íslands -og bikarmeistara Víkings, er afar sáttur með framlag Sölva Geirs Ottesen og Kára Árnasonar til félagsins eftir að þeir lögðu skóna á hilluna eftir síðustu leiktíð. Kári er yfirmaður knattspyrnumála hjá félaginu í dag og Sölvi er aðstoðarþjálfari.
,,Ég, Kári og Sölvi erum saman með skrifstofu núna og einn risastóran tölvuskjá. Það er bara veisla að koma á hverjum morgni og mæta í vinnuna,“ sagði Arnar í þættinum 433.is á Hringbraut í gær.
,,Það er allt gert með hagsmuni félagsins að leiðarljósi, brainstormað um leiki sem eru spilaðir í öllum heiminum og alla greiningarvinnu. Þeirra input er bara hrikalega mikilvægt í mitt starf. Þeir náttúrulega elska klúbbinn meira en þeir elska konuna sína, ég ætla að vona að ég sé ekki að móðga neinn.“
,,Það er svo gaman að vinna í svona umhverfi þar sem er svona mikið passion.“