Manchester United tók á móti Atletico Madrid í seinni leik liðanna í 16-liða úrslitum Meistaradeildar Evrópu.
Heimamenn virkuðu líklegri í fyrri hálfleik en það var hins vegar Atletico sem komst yfir á 41. mínútu með skallamarki Renan Lodi eftir fyrirgjöf Antoine Griezmann.
Man Utd fékk sín færi til að skora í seinni hálfleiknum. Það tókst hins vegar ekki. Lokatölur 0-1. Atletico vinnur einvígið samanlagt 2-1.
Mikill hiti var eftir leik. Diego Simeone, stjóri Atletico, neitaði til að mynda að taka í höndina á Ralf Rangnick, stjóra Man Utd.
Argentínumaðurinn hljóp til búningsherbergja á Old Trafford eftir leik en á leið sinni var flöskum kastað í hann af stuðningsmönnum Man Utd, líkt og sjá má á myndbandinu hér fyrir neðan.
United fans threw their drinks at Simeone 😳
(via @CBSSportsGolazo)pic.twitter.com/JEoYFcfvol
— B/R Football (@brfootball) March 15, 2022