Ársþing KSÍ er nú í gangi og rétt í þessu var kosið um breytingar á efstu deild karla og kvenna sem hefur fengið nafnið Besta deildin.

Tillagan snýst um það að leikið verður í tveimur hlutum, í fyrri hluta verði leikin tvöföld umferð þar sem hvert lið leikur tvo leiki gegn hverju hinna liðanna, heima og heiman og í síðari hluta verði leikin einföld umferð á milli efstu sex liðanna og svo neðstu sex liðanna.

Tillagan var samþykkt með meirihluta atkvæða og tekur því strax gildi fyrir keppnistímabilið 2022.

Auk þess var kosið um breytingu í 1. deild karla og munu liðin í 2-5. sæti leika í umspili um sæti í Bestu deildinni. Liðið sem er í fyrsta sæti fer beint upp í Bestu deildina. Þessi tillaga var einnig samþykkt með öruggum meirihluta.

Í dag var einnig samþykkt tillaga um að fjölga deildum í meistaraflokki karla. Sumarið 2023 mun deildum fjölga úr fimm í sjö og mun neðsta deildin verða nokkurs konar utandeild.