Það eru háværir orðrómar um að Cristiano Ronaldo verði leikmaður Al-Nassr í Sádi-Arabíu á næstunni.
Hann varð samningslaus í síðasta mánuði þegar samningi hans við Manchester United var rift í kjölfar þess að hann fór í umdeilt viðtal við Piers Morgan.
Talið er að næsti áfangastaður hins 37 ára gamla Ronaldo sé Al-Nassr.
Nú segir Marca á Spáni hins vegar frá því að Ronaldo sé ekki eini leikmaðurinn sem Sádarnir ætla að fá til liðs við sig.
Miðillinn segir að einnig sé verið að undirbúa samningsboð fyrir Sergio Ramos.
Miðvörðurinn er þessa stundina á mála hjá Paris Saint-Germain en samningur hans þar rennur út næsta sumar. Al-Nassr myndi ekki reyna að fá hann fyrr en þá.
Ramos og Ronaldo voru áður liðsfélagar hjá Real Madrid.
