Vikan með Gísla Marteini verður ekki á dagskrá RÚV í kvöld vegna leiks Argentínu og Hollands á Heimsmeistaramótinu í Katar.

Þetta hefur pirrað suma og einhverjir netverjar hafa látið í sér heyra.

„Rétt að minna á að vegna HM fellur Vikan niður í kvöld. Lofum þrútnum og sykursætum jólaþætti eftir viku, 16. des,“ skrifar Gísli Marteinn á Twitter-reikning sinn.

„Ekkert svona! Hringir bara í Qatar og segir þeim að sjónvarpa Vikunni þaðan í staðinn fyrir þessa tuðru!“ skrifar einn undir færslunni.

„Neeeiii, ekki mannréttindabrotabolti í staðin fyrir ykkur,“ skrifar önnur.

Þá blandaði Helgi Seljan, blaðamaður á Stundinni, sér í umræðuna og sló á létta strengi.

„Segir okkur það. Augljóst að sú ákvörðun þín að gera grín að Hitler og hans skoðunum, sem eðlilega særði fullt af fólki, hefur orðið til þess að þér var hent af dagskrá,“ skrifar Helgi og vísar þarna í brandara Gísla í síðasta þætti.

Rétt að minna á að vegna HM fellur #vikan niður í kvöld. Lofum þrútnum og sykursætum jólaþætti eftir viku, 16. des.

— Gísli Marteinn (@gislimarteinn) December 9, 2022

Leikur Argentínu og Hollands er liður í 8-liða úrslitum HM. Hefst hann klukkan 19 í kvöld að íslenskum tíma.