fbpx
Miðvikudagur 02.júlí 2025
433Sport

Með hjartað í lúkunum og vildi ekki gera mistök

433
Laugardaginn 26. nóvember 2022 15:00

Ekki missa af Helstu tíðindum dagsins í pósthólfið þitt

Lesa nánar

Ragnar Sigurðsson, fyrrum landsliðskempa og núverandi umboðsmaður fékk sér sæti í Íþróttavikunni með Benna Bó, sem sýnd er á Hringbraut alla föstudaga. Hörður Snævar Jónsson, íþróttastjóri Torgs, sat með Ragnari í settinu.

Ragnar er einn þeirra 23 útvöldu íslensku fótboltamanna sem spilað hefur á HM en hann var í íslenska hópnum sem fór til Rússlands fyrir fjórum árum síðan. Hann viðurkennir að hafa ekki alveg átta sig á því hvað hann var að upplifa á meðan á því stóð.

„Maður kannski fattaði það ekki þegar að það var að gerast. Það eru alltaf sömu hlutirnir í gangi sama hvar maður er; það er alltaf flug, hótel, rútuferðir og æfingar og allt það. Maður finnur samt fyrir því á HM og EM að það er aðeins meiri stemning og aðeins meira undir,“ segir Ragnar.

Stórmót í fótbolta eru bara endurtekning dag eftir dag þannig líf fótboltamannanna er fábrotið þó því fylgi síðan mikil ábyrgð að spila leikina sjálfa.

„Maður er svo einbeittur á hvað maður er að fara að gera, hvort sem það eru æfingar eða leikur. Sem varnarmaður er maður líka svo einbeittur á að gera ekki ein mistök. Það er stress sem að fylgir því. Ég hef átt margar samræður við Kára Árnason um þetta. Maður er bara með hjartað í lúkunum,“ segir Ragnar.

Yfir tæplega áratugarskeið spilaði íslenska landsliðið hvern stórleikinn á fætur öðrum hvort sem það var í riðlakeppni, á stórmóti eða í umspili um að komast á stórmót. Einbeitingin hjá leikmönnum var svo mikil að erfitt var að njóta hverrar mínútu fyrir sig,

„Á þessum tíma vorum við alltaf að spila stóra leiki þar sem að öll stigin skiptu máli. Það mátti bara ekki gera nein mistök. Hvort sem það var leikur á Laugardalsvelli eða á HM í Rússlandi þá var maður bara einbeittur á hvern leik fyrir sig. Maður var ekkert að hugsa hvort Messi væri í hinu liðinu eða eitthvað þannig,“ segir Ragnar.

„Það kemur svo aðeins síðar þegar að maður er að horfa á Meistaradeildina, EM eða HM, þar sem maður er ekki að spila að maður hefði mátt njóta þess aðeins meira að vera þarna,“ segir Ragnar Sigurðsson.

video
play-sharp-fill
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 10 klukkutímum

Arsenal óvænt farið að eltast við kantmann Chelsea

Arsenal óvænt farið að eltast við kantmann Chelsea
433Sport
Fyrir 10 klukkutímum

Þjálfari Finna ræddi hætturnar í liði Íslands og nefndi Sveindísi sérstaklega

Þjálfari Finna ræddi hætturnar í liði Íslands og nefndi Sveindísi sérstaklega
433Sport
Fyrir 12 klukkutímum

United hefur áhuga á því að kaupa spænska miðjumann PSG

United hefur áhuga á því að kaupa spænska miðjumann PSG
433Sport
Fyrir 12 klukkutímum

Selfoss staðfestir komu Jóns Daða

Selfoss staðfestir komu Jóns Daða
433Sport
Fyrir 14 klukkutímum

Karólína: „Við erum allar bestu vinkonur“

Karólína: „Við erum allar bestu vinkonur“
433Sport
Fyrir 15 klukkutímum

Gæti eitthvað farið að gerast hjá Liverpool varðandi Isak – Þetta gæti orðið verðmiðinn

Gæti eitthvað farið að gerast hjá Liverpool varðandi Isak – Þetta gæti orðið verðmiðinn
433Sport
Fyrir 17 klukkutímum

Búist við að Jón Daði verði kynntur í dag

Búist við að Jón Daði verði kynntur í dag
433Sport
Fyrir 18 klukkutímum

Duran aftur til Evrópu

Duran aftur til Evrópu
Hide picture