Milljarðamæringurinn og Íslandsvinurinn Sir Jim Ratcliffe ætlar að bjóða í enska stórliðið Manchester United.
Þetta kemur fram í enskum miðlum en Ratcliffe er einn allra ríkasti maður Bretlands.
Hann er metinn á 10,2 milljarða punda og er nú þegar eigandi Nice í frönsku úrvalsdeildinni.
Glazer fjölskyldan ákvað það nú á dögunum að reyna að selja Man Utd sem eru gleðifréttir fyrir stuðningsmenn liðsins.
Ratcliffe hefur haldið því fram að hann sé stuðningsmaður Man Utd og að hann hafi verið á úrslitaleik Meistaradeildarinnar árið 1999.
Glazer fjölskyldan ku vilja um fimm milljarða punda fyrir félagið.