Harvey Elliott er afar efnilegur leikmaður en hann er 19 ára gamall og spilar með Liverpool.

Þrátt fyrir ungan aldur er Eliott búinn að taka ákvörðun um framtíðina og ætlar sér aldrei að yfirgefa enska stórliðið.

Elliott á mikið eftir ólært en hann kemur reglulega við sögu hjá félaginu og er bjartsýnn að hann geti unnið þar allt sitt líf.

Miðjumaðurinn hefur tekið þátt í öllum 22 leikjum Liverpool í vetur og var valinn leikmaður mánaðarins í bæði ágúst og september.

,,Markmið mitt er að spila með Liverpool allan minn feril,“ sagði Elliott.

,,Það gæti verið sem leikmaður eða þjálfari – hvað sem það er. Ég vil bara vera hjá Liverpool allt mitt líf. Þetta er eins og mitt heimili og fjölskyldan flutti hingað með mér.“

Enski boltinn á 433 er í boði