Lionel Messi og vinir hans í landsliði Argentínu komu til Katar í gær en staðurinn sem knattspyrnusambandið valdi vekur furðu.
Flest lið á HM í Katar velja það að gista á þeim glæsilegu hótelum sem eru í Doha.
Það vildi Argentína ekki og valdi það að gista í háskóla í Doha, þar eru alla jafna nemendur sem gista á svæðinu og labba svo í skólann.
Argentína valdi svæðið til þess að geta grillað saman kjöt, er það eitthvað sem fólk frá Argentínu kann ansi vel að meta.
Asados er það kallað í Argentínu þegar opinn eldur er settur upp og fólk grillar sér góðan mat. „Við heimsóttum svæðið nokkrum sinnum og þarna eru frábærar aðstæður en líka opið svæði til að vera með asados,“ segir starfsmaður sambandsins.