Það er möguleiki á því að Matt Doherty sé á förum frá Tottenham bráðlega ef Antonio Conte fær einhverju ráðið.

Conte er stjóri Tottenham og gagnrýndi Doherty harkalega eftir leik liðsins við Arsenal í ensku úrvalsdeildinni.

Tottenham tapaði þessum leik 3-1 og var spilamennska liðsins ekki upp á marga fiska en Írinn fékk fáar mínútur eins og venjan hefur verið á tímabilinu hingað til.

,,Doherty spilaði alla leiki á síðustu leiktíð. Í dag horfi ég ekki á hann sem byrjunarliðsmann. Ég er ekki heimskur, ég vil ekki tapa,“ sagði Conte.

Doherty hefur aðeins spilað tvo deildarleiki með Tottenham á tímabilinu og þá þrjá leiki í öllum keppnum.

Hann á þó enn eftir að byrja leik og virðist alls ekki vera inni í myndinni hjá Conte. Doherty kom til Tottenham frá Wolves fyrir tveimur árum síðan.

Bakvörðurinn lék alls 26 leiki fyrir Tottenham á síðustu leiktíð og skoraði tvö mörk

Enski boltinn á 433 er í boði