Ásgerður Stefanía Baldursdóttir fyrrum leikmaður Vals og nú þjálfari hjá félaginu var gestur í Íþróttavikunni með Benna Bó á föstudagskvöld en með henni í setti var Hörður Snævar Jónsson, fréttastjóri íþrótta á Torgi.

Rætt var um endurkomu Jóhanns Berg Guðmundssonar í liði Burnley en hann hefur spilað alla leiki liðsins síðustu vikur og er í stóru hlutverki.

„Það er mjög gaman, hann er að spila alla leiki. Það er númer 1,2,3 að hann haldist heill þarna og treysti líkamanum,“ sagði Hörður Snævar um endurkomu Jóhanns.

Vincent Kompany tók við Burnley eftir að liðið féll úr ensku úrvalsdeildinni í vor en liðið er nú á toppi næst efstu deildar.

„Kompany var með sömu meiðsli þegar hann var hjá City, hann komst út úr því. Burnley er á toppnum í deildinni með einhverja 18 nýja leikmenn.“

Ásgerður Stefanía tók þá til máls. „Hann sagði að Burnley hefði ekkert efni á heilum Jóa Berg, hann veit hvað hann er með í höndunum. Það er verið að nota hann rétt, hann byrjar leiki og kemur inn í næsta.“

Umræðan er hér að neðan.