Full vél af stuðningsmönnum Íslands er á leið til Porto þar sem Ísland mætir Portúgal í leik um sæti á HM á næsta ári.

Blaðamaður og ljósmyndari miðla Torgs eru með í för og mun efni frá þeim birtast á miðlum okkar í allan dag.

Um er að ræða einn leik við Portúgal sem sker líklega úr um það hvort liðið fer á HM. Fari liðin í framlengingu er möguleiki á öðrum leik í umspili.

Guðlaugur Victor Pálsson leikmaður DC United og íslenska karlalandsliðið var á Keflavíkurflugvelli í morgun.

„Ég tel möguleikana vera mjög góða. Þapð er allt blátt á flugvellinum, það mun ekki vanta upp á stuðninginn,“ sagði Guðlaugur í samtali við Aron Guðmundsson.

Hann segir mikilvægt fyrir liðið að fá góðan stuðning í stúkunni. „Það er rosalega mikilvægt að fá hann, það sýndi það þegar strákarnir fóru. ÞAð er risa möguleiki fyrir stelpurnar að fara. Það er geggjað að sjá Keflavíkurflugvöll svona bláan.“

„Ég held að þær muni taka þetta,“ sagði leikmaðurinn knái.