Thierry Henry, goðsögn Arsenal, vakti athygli í setti Sky Sports í gær er hann ræddi framherjann öfluga Erling Haaland.

Henry var í settinu ásamt þeim Jamie Carragher og Micah Richards sem eru báðir fyrrum landsliðsmenn Englands.

Frakkinn var að bera saman Haaland og Robert Lewandowski og vildi meina að sá síðarnefndi væri alveg jafn mikilvægur fyrir Barcelona og Haaland er fyrir Manchester City.

Báðir leikmenn skiptu um lið í sumar en Haaland gekk í raðir Man City frá Dortmund og Lewandowski í raðir Barcelona frá Bayern Munchen.

Henry telur að leikstíll Man City henti Haaland betur og þess vegna lítur hann í raun betur út þó að Lewandowski hafi byrjað frábærlega á Spáni.

,,Þetta er bara önnur íþrótt. Eins og ég hef alltaf sagt, þú þarft að ráða réttan leikara fyrir rétta kvikmynd. Það sem Haaland er að gera, hann er fullkominn leikari fyrir þetta lið,“ sagði Henry.

,,Stundum spilarðu með öðru liði – ég hefði ekki spilað fyrir Bolton, eruði klikkaðir?“

,,Það sem ég er að segja er að ef ég hefði lent í löngu boltunum undir Sam Allardyce, þá hefði ég yfirgefið völlinn í hálfleik.“

Bæði Richards og Carragher voru orðlausir eftir ummæli Henry en Haaland hefur skorað 17 mörk fyrir Englandsmeistarana á tímabilinu til þessa.

Henry neitaði að gefa eftir og hélt því fram að Lewandowski væri öflugur fyrir Barcelona og Haaland væri fyrir enska stórliðið.