Erling Braut Haaland, leikmaður Dortmund, var í viðtali við ESPN á dögunum og þar var hann beðinn um að velja erfiðasta varnarmanninn sem hann hefði mætt á ferlinum.

Valið var auðvelt fyrir Norðmanninn öfluga en erfiðasti varnarmaður sem Haaland hefur mætt er Virgil van Dijk.

„Hann er svo stór, sterkur og fljótur og er með ótrúlegar tímasetningar,“ sagði Haaland við ESPN.

„Ég held að ég hafi ekki unnið einvígi á móti honum, hann er algjört skrímsli.“

Haaland mætti van Dijk fyrst árið 2019 er hann spilaði með Red Bull Salzburg gegn Liverpool í riðlakeppni Meistaradeildarinnar.