Derby hefur fengið mánaðar frest til að sanna að félagið hafi fjármuni til að halda áfram rekstri. Fresturinn átti að renna út 1 febrúar en hefur verið framlengdur til 1 mars.
Derby er á barmi gjaldþrots en félagið hefur reynt að leysa flækjuna en án árangurs hingað til. Búið er að taka 21 stig af liðinu á þessu tímabili.
Wayne Rooney stjóri liðsins hefur unnið kraftaverk við erfiðar aðstæður. Félagið hefur selt leikmenn í janúar og hefur fjármuni til að halda rekstrinum út febrúar.
Félagið var tekið til greiðslustöðvunar á síðasta ári og reynir eftir fremsta megni að finna nýjan eiganda.
Mike Ashley fyrrum eigandi Newcastle hefur áhuga á því að kaupa félagið en stuðningsmenn félagsins eru ekki hrifnir af því.
Derby þarf að finna varanlega lausn fyrir lok febrúar annars gæti félaginu verið sparkað úr leik í næst efstu deild Englands.
Enski boltinn á 433 er í boði 
