Bruno Guimaraes, leikmaður Lyon, er hársbreidd frá því að ganga til liðs við enska úrvalsdeildarfélagið Newcastle United ef marka má breska miðla í dag.
Talið er að Bruno muni gangast undir læknisskoðun fyrir félagsskiptin í heimalandi Brasilíu þar sem að hann er nú með brasilíska landsliðinu.
Bruno er 24 ára eftirsóttur miðjumaður sem hefur verið orðaður við lið á borð við Arsenal og Juventus en nú virðist Newcastle vera að næla sér í kappann.
Talið er að kaupverðið nemi 33,5 milljónum punda en Bruno hefur undanfarin tvö ár spilað með franska liðinu Lyon.
Enski boltinn á 433 er í boði 
