Kristján Óli Sigurðsson knattspyrnusérfræðingur í hlaðvarpsþættinum Þungavigtin spáði í spilin fyrir Íslandsmót karla í þætti dagsins.
Kristján Óli telur að Breiðablik verði Íslandsmeistari eftir að hafa rétt misst af titlinum á síðustu leiktíð.
Blikar hafa styrkt lið sitt í vetur en liðið hefur þó misst bæði Thomas Mikkelsen og Árna Vilhjálmsson frá síðustu leiktíð.
Hann telur að Víkingur sem er ríkjandi Íslands og bikarmeistari endi í öðru sæti deildarinnar og að Valur endi í því þriðja.
Mesta athygli vekur að Kristján hefur enga trú á Ólafi Jóhannessyni og lærisveinum í FH og spáir liðinu sjöunda sæti.
Spá Höfðingjans úr Þungavigtinni:
1. Breiðablik
2 Víkingur
3 Valur
4. KR
5. Stjarnan
6. KA
7. FH
8. ÍBV
9. Leiknir
10. ÍA
11. Keflavík
12. Fram