Aaron Ramsey, leikmaður Juventus, vill fara frá ítalska félaginu og aftur í ensku úrvalsdeildina en hann lék áður með Arsenal. Tími hans hjá Juventus hefur ekki verið upp á marga fiska og eru stuðningsmenn liðsins ekki hrifnir af Ramsey.
Það er ljóst að Ramsey er á leið frá ítalska stórveldinu en Massimiliano Allegri hefur staðfest að miðjumaðurinn yfirgefi liðið í janúar. Enn er þó óvíst hver næsti áfangastaður verður.
Newcastle hefur nú þegar boðið í miðjumanninn en Ramsey hafði ekki áhuga á þeim félagsskiptum. Samkvæmt enskum fjölmiðlum hefur Wolves og nokkur spænsk lið einnig gert tilboð í kappann.
Samkvæmt The Sun hefur Sean Dyche, stjóri Burnley mikinn áhuga á að fá leikmanninn til liðsins og hefur liðið verið í viðræðum við Juventus um lánssamning.
Það er ansi ólíklegt að Burnley sé tilbúið að borga launapakka Ramsey en hann er sagður fá 400 þúsund pund vikulega. Félagið er því að reyna að semja við Juventus um að ítalska félagið borgi hluta af laununum.
Enski boltinn á 433 er í boði 
