Manchester United ætlar að bæta í öryggisgæslu við heimili leikmanna sinna á meðan leikir með liðinu standa yfir.

Þetta er gert í kjölfar þess að brotist var inn til Victor Lindelöf á meðan hann lék gegn Brentford fyrr í vikunni. Eiginkona hans og börn voru heima á meðan innbrotið átti sér stað. Neyddust þau til að fela sig á meðan þrjótarnir létu til skarar skríða.

Lindelöf er ekki með Man Utd gegn West Ham í leik sem nú stendur yfir. Hann vildi ekki skilja fjölskyldu sína aftur eftir heima svo skömmu eftir atvikið.

,,Við munum funda á hótelinu okkar þar sem við munum ræða við leikmenn um hvað við ættum að gera til að auka öryggi, komast að því hvað er nauðsynlegt að gera og hvar félagið getur hjálpað leikmönnum á þessu sviði,“ sagði Ralf Rangnick, stjóri Man Utd.

Enski boltinn á 433 er í boði