Tveir stuðningsmenn enska knattspyrnufélagsins Shrewsbury Town, hafa verið settir í átta ára bann frá því að mæta á leiki með liðinu, eftir að hafa orðið uppvísir af því að syngja níðsöngva í aðdraganda leiks Shrewsbury Town gegn Liverpool á Anfield í enska bikarnum.
Stuðningsmennirnir tveir voru hluti af hóp sem söng níðsöngva um Hillsborough slysið svokallað árið 1989 þar sem að 97 stuðningsmenn Liverpool létu lífið.
Myndband af athæfi hópsins fór í mikla dreifingu á samféalgssmiðlum. Shrewsbury hefur ákveðið að stíga fast til jarðar og í yfirlýsingu frá félaginu sagði að svona hegðun yrði aldrei liðin.
Shrewsbury tapaði leiknum 4-1 en eftir leik hófu leikmenn liðsins að fordæma hegðun þessara stuðningsmanna liðsins. Markvörður liðsins, Harry Burgoyne, sagði viðkomandi stuðningsmönnum að skammast sín hann vildi að félagið myndi stíga fast til jarðar og setja stuðningsmennina í lífstíðarbann frá leikjum félagsins.