Samkvæmt Goal í Brasilíu spurðist Arsenal óformlega fyrir um framherjann Diego Costa á dögunum.
Hinn 33 ára gamli Costa er án félags eftir að hafa yfirgefið Atletico Mineiro fyrr í þessum mánuði.
Þrátt fyrir að vera komin yfir sitt besta þá eru nokkur félög áhugasöm um Costa.
Hann gerði garðinn frægan með Chelsea og Atletico Madrid. Hjá fyrrnefnda félaginu skoraði hann til að mynda 58 mörk í 120 leikjum. Hann átti stóran þátt í Englandsmeistaratitli Chelsea árið 2017.
Samkvæmt Goal liggur Costa ekkert á að finna sér félag. Hann er sagður í fríi á Spáni.