Albert Guðmundsson kom inn á sem varamaður með AZ Alkmaar í 1-2 sigri á Sittard í hollensku úrvalsdeildinni í dag.
Albert kom inn á þegar tíu mínútur lifðu leiks. Þá var staðan 0-2.
AZ Alkmaar er í fimmta sæti deildarinnar með 35 stig eftir nítján leiki.
Þórir lék í sigri
Þá kom Þórir Jóhann Helgason við sögu í sigri Lecce á Pordenone í ítölsku B-deildinni.
Þórir kom inn á fyrir Mario Gargiulo, sem skoraði eina mark leiksins, á 83. mínútu.
Lecce er í fimmta sæti deildarinnar með 35 stig, 3 stigum á eftir Brescia sem er í öðru sæti. Efstu tvö lið deildarinnar fara beint upp í Serie A, efstu deild Ítalíu. Þá á Lecce leik til góða á Brescia.
