Gylfi Þór Sigurðsson gengur áfram laus gegn tryggingu fram á miðvikudag í næstu viku en þetta staðfestir breska lögreglan við ensk götublöð.

Gylfi átti að vera laus fram á sunnudag en nú hefur það verið framlengt um þrjá daga. Gylfi var handtekinn í júlí á heimili sínu í Manchester.

Í fréttum kemur fram að Gylfi hafi verið handtekinn á heimili sínu og fjöldi muna í hans eigu sé nú í höndum lögreglu. Tengist það rannsókn málsins.

Gylfi er grunaður um kynferðisbrot gegn ólögráða einstaklingi en aldrei hefur komið fram hver eðlis meint brot eru.

Miðað við þann stutta tíma sem lögregla framlengir hjá Gylfa núna má búast við tíðindum í næstu viku.

Það er lögreglan í Manchester sem fer með rannsókn málsins. Að lokinni rannsókn gefur lögregla út ákæru eða fellir málið niður.