Martin Braithwaite, leikmaður Espanyol, hefur loksins tjáð sig eftir að hafa yfirgefið Barcelona í sumar.
Það tók Barcelona mánuði að losna við Braithwaite sem átti inni laun hjá félaginu og neitaði að rifta samningnum.
Að lokum var komist að niðurstöðu og var Braithwaite ekki lengi að semja við grannana í Espanyol á frjálsri sölu.
Að margra mati kom Barcelona illa fram við danska landsliðsmanninn en hann áttaði sig sjálfur á því að hann ætti enga framtíð fyrir sér hjá félaginu undir stjórn Xavi.
,,Ég horfði á þetta sem einelti. Það er mikilvægt að hugsa um andlegt ástand aðra. Þannig er það. Ég veit hvernig hlutirnir virka og því miður þá er fótbolti einnig hluti af viðskiptaheiminum,“ sagði Braithwaite.
,,Ég get bara brosað yfir sumum hlutum sem áttu sér á bakvið tjöldin. Ég tel að ég hafi svarað mörgum gagnrýnisröddum. Ég var markahæstur áður en ég meiddist. Það var svo breytt um þjálfara og hann vildi eitthvað annað, þannig er fótboltinn.“
,,Xavi trúði ekki á mína hæfileika svo ég þurfti að fara. Ég vissi af því í langan tíma og að ég þyrfti að komast burt.“
