Brenden Aaronson, leikmaður Leeds, stefnir að því að verða goðsögn hjá félaginu eftir að hafa komið þangað í sumar.

Aaronson kom til Leeds frá RB Salzburg og vinnur nú með Jesse March á Englandi en þeir voru áður saman í Austurríki.

Stuðningsmenn Leeds eru nú þegar mjög hrifnir af Aaronson sem segist vera til í að gera allt til að hjálpa liðinu að næla í þrjú stig.

,,Þeir sjá hversu mikið ég legg mig fram og hversu mikið ég er tilbúinn að gera. Ég gef alltaf 110 prósent í verkefnið og ég held að þeim líki við það,“ sagði Aaronson um ástina frá stuðningsmönnum Leeds.

,,Ég er mjög þakklátur að vera hjá Leeds og ég held að allir taki eftir hversu mikið ég get lagt á mig, ég geri allt til að hjálpa liðinu að vinna.“

,,Ég vil bara verða betri og sá besti sem ég get verið, vonandi verð ég goðsögn hjá félaginu einn daginn.“