fbpx
Fimmtudagur 08.desember 2022
433Sport

Viðari blöskrar sú leið sem Rósa og hennar fólk ætlar – „Virðist öllum vera sama, peningarnir virðast vaxa á trjánum“

Hörður Snævar Jónsson
Fimmtudaginn 8. september 2022 08:50

Viðar Halldórsson Mynd/Sigtryggur Ari

Ekki missa af Helstu tíðindum dagsins í pósthólfið þitt

Lesa nánar

Viðar Halldórsson formaður FH skrifar harðort bréf til bæjarfulltrúa í Hafnarfirði sem nú eru að taka ákvörðun um að reisa knatthöll á svæði Hauka við Ásvelli.

FH-ingar hafa á síðustu árum reist hús við sitt svæði með aðkomu bæjarins en Viðar segir framkvæmdina á Ásvöllum alltof dýra.

„Undanfarin ár hefur verið mikil og þörf umræða um aðstöðu knattpyrnunnar í Hafnarfirði til æfinga og keppni yfir vetrarmánuðina. Íþróttafulltrúinn í Hafnarfirði skilaði vandaðri þarfagreiningu til bæjaryfirvalda og í framhaldinu fórum við við FH-ingar fram á að byggt yrði knatthús í fullri stærð hér í Kaplakrika sem féll vel að niðurstöðu þarfagreiningar íþróttafulltrúans,“ segir Viðar í opnu bréfi en Rósa Guðbjartsdóttir bæjarstjóri Hafnarfjarðar hefur sterkar teningar við Hauka.

Viðar ræðir þá hvernig ferlið var þegar FH reisti sitt nýjasta hús. „Umræður og ferli byggingar Skessunnar ætti að vera öllum ljóst en í stuttu máli óskuðum við FH-ingar eftir ódýru og hagkvæmu húsi sem við sjálf byggðum í samvinnu við Hafnarfjarðarbæ. Bæjaryfirvöld vildu hafa umsjón með og framkvæma verkið, buðu verkið út á grunni hönnunar og teikninga Fimleikafélagsins, lægsta tilboð ríflega 1.1 milljarður króna, sem að mati bæjaryfirvalda var of hátt. Í framhaldinu var gert samkomulag milli Fimleikafélagsins og Hafnarfjarðarbæjar um byggingu Skessunnar sem hljóðaði upp á 790 milljónir króna.“

Viðar heldur því fram að nú eigi að setja 4,5 milljarð í því að byggja hús fyrir Hauka, fjármuni sem betur mætti nýta í það að byggja grunnskóla eða fjóra leiksól.

„Í dag virðast bæjaryfirvöld vera á lokametrum við ákvarðanatöku um byggingu nýs knatthúss á Ásvöllum sem að lágmarki mun kosta 4.5 milljarða, byggja einn fótboltavöll fyrir ámóta upphæð og kostar að byggja góðan grunnskóla eða fjóra leikskóla.“

Rósa Guðbjartsdóttir, bæjarstjóri Hafnarfjarðar

„Árlegur rekstrar- og fjármagnskostnaður knatthúss af þeirri gerð sem væntingar eru um að reisa á Ásvöllum er ca 322.000.000, kr. (rekstur 98, afskriftir 112 og vextir 112) sem gerir ca. 144.000 kr. pr. notaðan klukkutíma. Sambærilegar upphæðir vegna Skessunnar (uppreiknað stofnvirði 1.1 milljarður kr.) eru 108.000.000,- pr.ár (rekstur 53, afskriftir 28 og vextir 28) sem gerir ca. 37.000 kr. pr. notaðan tíma.“

Hvernig réttlæta bæjaryfirvöld þetta?

Viðar segir að bæjarfélagið sé að kasta peningum út um gluggann með þessari framkvæmd. „Hvernig réttlæta núverandi bæjaryfirvöld þessar gríðalega háu upphæðir sem í okkar huga er verið að kasta út um gluggann nú í upphafi sem stofnkostnaður og síðan í áratugi hundruði milljóna á ársgrundvelli í rekstur og fjármagnskostnað?.“

„Óhóflega há upphæð sem bæjaryfirvöld hér í Hafnarfirði veita í eina einstaka framkvæmd eins og hér er á döfinni mun vitanlega hafa áhrif á framlög í aðrar nauðsynlegar framkvæmdir annarra íþróttafélaga hér í bæ en ykkur bæjarfulltrúum ætti að vera ljóst að t.d. Dansíþróttafélagið, Brettafélagið, Hnefaleikafélagið, Golfklúbburinn Setberg og Bjarkirnar eru í mikilli þörf á betri aðstöðu og jafnvel á hrakhólum með aðstöðu. Fyrir þá milljarða sem myndu sparast við að byggja hús sambærilegt Skessunni á Ásvöllum væri hægt að stórbæta aðstöðu fjölmargra annarra íþróttafélaga í Hafnarfirði, bæjarbúum til mikilla hagsbóta.“

Viðar rekur svo þá leið sem hann segir FH hafa farið en það hefði mögulega verið óþarfi. „Fimleikafélagið hefur nú á síðustu mánuðum verið að skoða og velta upp þeirri stöðu sem við erum í og einnig hvernig við stöndum fjárhagslega með það í huga að milljörðum sé dreift í önnur félög hér í bæ. Á sama tíma erum við í Fimleikafélaginu með eign í mannvirkjum sem nálgast tvo og hálfan milljarð. Svo til öll íþróttamannvirki í Hafnarfirði utan Kaplakrika eru í eigu Hafnarfjarðarbæjar. Við FH-ingar höfum verið að rembast í ártugi með eigin fjárfestingar, lántökur (langtímalán Fimleikafélagsins ca. 630 milljónir), fjármagnskostnað og mikla vinnu til að ná sem hagkvæmustu verðum okkur og við héldum bæjarfélaginu til heilla. En til hvers, það virðist öllum vera sama, peningarnir virðast vaxa á trjánum og munum við því á næstu dögum óska eftir formlegum viðræðum við Hafnarfjarðarbæ um að þeir kaupi okkar eignarhlut í mannvirkjunum Í Kaplakrika.“

„Við sem höfum staðið í stafni Fimleikafélagsins nú í áratugi teljum okkur hafa þá reynslu og þekkingu sem til þarf að meta og ef þarf að taka ákvarðanir félagi okkar og bæjarfélaginu til heilla. Nú eru liðin 17 ár frá því að okkar frábæra knatthús Risinn var tekinn í notkun, sjö ár frá opnun Dvergsins og þrjú ár frá opnun Skessunnar. Margir sem lítið hafa komið nálægt uppbyggingu og rekstri alvöru knattspyrnudeilda myndu strax segja að upphituð hús er það sem við þurfum hér á landi en reynsla okkar segir annað. Kostir okkar húsa eru t.d. loftgæði verulega meiri, náttúruleg lýsing húsanna er mikill kostur og síðast en ekki síst eru hús okkar tólfmánaða hús en upphituðu glæsihallirnar í Garðabæ, Kópavogi og Reykjavík eru einungis sjö mánaða knatthús.“

„Hvað segjum við við því að það koma dagar sem kuldinn hér á suðvesturhorninu fer niður fyrir t.d. mínus fimm gráður? Jú, það gerist og mun áfram gerast en okkar reynsla er ósköp skýr; við höfum aldrei fellt niður æfingu vegna kulda í húsunum, æfingar hafa verið felldar niður alltaf öðru hvoru en þá er það um leið og skólum hefur verið lokað vegna ófærðar í Hafnarfirði.“

Viðar Halldórsson, formaður FH.
Mynd: Skjáskot

Allra veðra íþrótt:

Viðar segir að besta knattspyrnufólk í heimi æfi oft í kulda. „ Bestu knattspyrnumenn heimsins sem stunda sína atvinnu í Evrópu – margir þeirra verulega hátt launaðir allt að þriggja milljarða árslaun – eru að stunda sínar æfingar hluta ársins í kaldari aðstæðum en við bjóðum upp á hér í Kaplakrika. Ekki kvarta þeir og ekki eru forystumenn erlendu félaganna að hafa áhyggjur af aukinni meiðslahættu í kaldari húsum, eins og einn góður fyrrverandi bæjarstjóri hér á höfuðborgarsvæðinu sagði í útvarpsviðtali og var þá um leið að reyna að réttlæta bruðlið,“ segir Viðar.

„Fótbolti er og verður allra veðra íþrótt. Höldum því þannig og hlustum á þá sem raunverulega þekkingu á reynslu hafa á þessum málum, í stað þess að lama framtíðaruppbyggingu íþróttamannvirkja í Hafnarfirði með margföldum óþarfa kostnaði í einn innanhúss knattspyrnuvöll.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 16 klukkutímum

Liðsfélagi Íslendings fær þungan dóm – Tók þátt í að hópnauðga ungri konu

Liðsfélagi Íslendings fær þungan dóm – Tók þátt í að hópnauðga ungri konu
433Sport
Fyrir 17 klukkutímum

Ten Hag tjáir sig í fyrsta sinn um Ronaldo eftir að samningi hans var rift

Ten Hag tjáir sig í fyrsta sinn um Ronaldo eftir að samningi hans var rift
433Sport
Fyrir 18 klukkutímum

Tveir handteknir sem eru grunaðir um innbrotið og þjófnaðinn

Tveir handteknir sem eru grunaðir um innbrotið og þjófnaðinn
433Sport
Fyrir 19 klukkutímum

Ræddu myndbandið af Beckham sem fólk talar mikið um – „Ég var hissa“

Ræddu myndbandið af Beckham sem fólk talar mikið um – „Ég var hissa“
433Sport
Fyrir 21 klukkutímum

Sjáðu hvað stuðningsmaðurinn gerði í Katar í gær: Stráði salti í sárin – „Flugvöllurinn er í þessa átt“

Sjáðu hvað stuðningsmaðurinn gerði í Katar í gær: Stráði salti í sárin – „Flugvöllurinn er í þessa átt“
433Sport
Fyrir 22 klukkutímum

Parísarmenn gætu nagað sig í handarbökin eftir gærkvöldið

Parísarmenn gætu nagað sig í handarbökin eftir gærkvöldið