Sparkspekingarnir vinsælu, Kristján Óli Sigurðsson og Mikael Nikulásson, tókust á um Fram og KA í nýjasta þætti Þungavigtarinnar.
Liðin mættust um helgina og gerðu 2-2 jafntefli. Mikael vill meina að Fram sé með betra lið.
„Þeir spila miklu skemmtilegri fótbolta og eiga að vera með miklu fleiri stig. En þeir eru búnir að vera í næstefstu deild lengi. Þeir voru að koma upp, enginn spáði þeim neinu og þetta tekur smá tíma. Ég myndi vara mig á Fram 2023,“ segir Mikael.
Kristján Óli bendir þá á að KA sé með þrettán stigum meira en Fram og sex sætum ofar í Bestu deildinni. KA er í öðru sæti deildarinnar. „Ég þarf að fá einhver rök fyrir því að Fram sé betra lið en KA,“ segir hann.
„Hann hefur komið með galin take í gegnum tíðina, Mikael, en þetta fer sennilega á topp þrjá.“