Chelsea og Barcelona munu funda í dag til að reyna að ná samkomulagi um kaup enska félagsins á Pierre-Emerick Aubameyang framherja Barcelona.

Aubameyang kom frítt til Barcelona í janúar en félaginu sárvantar að losa fjármuni til að geta skráð Jules Kounde til leiks.

Aubameyang er efstur á óskalista Thomas Tuchel stjóra Chelsea sem sárvantar sóknarmann í sínar herbúðir.

Aubameyang og Tuchel áttu gott samstarf hjá Dortmund, framherjinn frá Gabon hafði búið í London í nokkur ár þar sem hann lék með Arsenal.

Aubameyang kom við sögu í æfingaleik gegn Manchester City í gær og veifaði þar stuðningsmönnum Barcelona eins og hann væri að kveðja þá.