Stuðningsmenn HK urðu sér til skammar í Kórnum í kvöld á leik liðsins við Breiðablik í Mjólkurbikarnum.
HK-ingar sungu niðrandi söngva um varnarmanninn Damir Muminovic sem spilar með Blikum.
Þetta kemur fram í frétt Fótbolta.net en HK-ingar notuðu orðið ‘pedo’ til að syngja um Damir.
Það er eins og flestir vita slanguryrði fyrir orðið barnaníðingur og er alveg ljóst að svona framkoma á ekki heima á fótboltavelli.
HK-ingar heyrðust syngja söngvanna í beinni útsendingu á RÚV en hættu því eftir áminningu í hálfleik.
Damir er sjálfur uppalinn hjá HK en hann hefur lengi gert það gott með grönnunum í Breiðablik.
