Andrea Radrizzani, eigandi Leeds, hefur tjáð sig um þá ákvörðun að reka Marcelo Bielsa á síðustu leiktíð – ákvörðun sem fór ekki vel í marga stuðningsmenn félagsins.

Bielsa náði frábærum árangri með Leeds um tíma en hann kom liðinu aftur í efstu deild og var gríðarlega vinsæll áa Elland Road.

Eftir fjögur ár hjá félaginu var Bielsa rekinn í febrúar og tók Bandaríkjamaðurinn Jesse Marsch við keflinu.

Radrizzani bjóst aldrei við því að hann þyrfti að reka Bielsa en telur að félagið hafi þurft á þessari ákvörðun að halda.

,,Ég hélt að ég myndi aldrei reka hann,“ sagði Radrizzani í samtali við the Athletic.

,,Ég bjóst aldrei við að þetta gæti gerst, aldrei. Hann var goðsögn og er goðsögn fyrir það sem hann afrekaði.“

,,Mér leið eins og eitthvað væri brotið og svo byrja hlutirnir að halla, það var þó of snemmt að taka ákvörðun. Ég bjóst við þessum viðbrögðum en ég þurfti að hugsa um félagið.“

,,Ég gat séð það að leikmennirnir voru á endastöð bæði líkamlega og andlega. Við þurftum að breyta til.“

Enski boltinn á 433 er í boði