David de Gea bað um að fá að mæta í viðtal hjá Sky Sports í gær eftir 4-0 tap gegn Brentford í annarri umferð ensku úrvalsdeildarinnar.
De Gea átti ömurlegan dag á skrifstofunni sem og aðrir leikmenn Man Utd en hann gerði sig sekan um nokkur mistök í markinu.
Sky hafði ekki planað það að ræða við De Gea eftir leikinn en hann bað sjálfur um að fá að mæta til að biðjast afsökunar.
Spánverjinn tekur tapið á sig en aðrir leikmenn Man Utd stóðust þó alls ekki væntingar í þessu slæma tapi.
,,Ég er bara að taka mína ábyrgð. Ég tek þetta á mig. Ég tel að ég hafi kostað liðið þrjú stig í dag, þetta var ömurleg frammistaða,“ sagði De Gea.
,,Eftir fyrstu tvö mistökin þá var erfitt fyrir liðið að halda áfram að spila. Þetta var skelfilegur dagur.“
Enski boltinn á 433 er í boði 
