Rúnar Alex Rúnarsson er á leið til Alanyaspor í Tyrklandi á láni frá enska úrvalsdeildarfélaginu Arsenal. Tyrkneski blaðamaðurinn Ertan Suzgun segir frá þessu.
Hinn 27 ára gamli Rúnar Alex mun ganga í raðir Alanyaspor á láni út næsta tímabil. Hann á tvö ár eftir af samningi sínum við Arsenal.
Talið er að viðræður á milli Arsenal og Alanyaspor séu á lokastigi.
Rúnar Alex gekk í raðir Arsenal frá Dijon fyrir tveimur árum síðan. Hann lék sex leiki fyrir félagið tímabilið 2020-2021. Heilt yfir stóð hann sig ágætlega en afar slæm frammistaða í leik gegn Manchester City í enska deildabikarnum skildi eftir sig svartan blett.
Rúnar Alex á að baki sautján A-landsleiki fyrir Íslands hönd.
Alanyaspor, Arsenal’den İzlandalı kaleci Rúnar Alex Rúnarsson’u son aşamaya getirdi.
🤝 İki kulüp arasında resmî prosedürler tamamlanıyor.
✈️ İzlandalı kaleci için uçuş programı oluşturuluyor. pic.twitter.com/LyNM2lwite
— Ertan Süzgün (@ertansuzgun) August 12, 2022