Manchester United byrjar tímabilið á Englandi í raun ömurlega eftir leik við Brighton á heimavelli í dag.

Pascal Gross sá um að klára þennan leik fyrir Brighton sem vann 2-1 sigur með tvennu í fyrri hálfleik.

Erik ten Hag var að stýra Man Utd í sínum fyrsta keppnisleik og byrjar erfiðlega.

Hann ræddi við Sky Sports eftirl eik.

,,Brighton er fínt lið og eiga hrós skilið en ég þarf að horfa á mitt lið og við ættum ekki að gefa tvö mörk frá okkur eins og við gerðum í dag,“ sagði Ten Hag.

,,Auðvitað er þetta bakslag og mjög svekkjandi. Ég vissi að þetta yrði ekki auðvelt en skipulagið var ekki gott.“

,,Við vorum betri í seinni hálfleik með Ronaldo frammi og Eriksen á miðjunni. Marcus Rashford fékk tvö góð færi og það er leiðinlegt að hafa ekki náð að skora.“

,,Ég er alls ekki sáttur. Við töpuðum og það var ekki nauðsynlegt, við ættum að gera betur.“