Edinson Cavani, fyrrum leikmaður Manchester United, er við það að krota undir hjá nýju félagi.
Það er Marca á Spáni sem greinir frá þessu en Cavani er án félags þessa stundina og hefur skoðað sig um í allt sumar.
Samkvæmt Marca er Cavani nú á leið til Argentínu og mun skrifa undir samning við Boca Juniors.
Evrópsk félög sýndu þessum 35 ára gamla sóknarmanni áhuga í sumar og þar á meðal Villarreal.
Úrúgvæinn mun hins vegar skrifa undir 18 mánaða samning við Boca og verður það tilkynnt á næstu dögum.
Cavani er þekktastur fyrir tíma sinn hjá Paris Saint-Germain og Napoli þar sem hann raðaði inn mörkum.
