Christian Eriksen ræddi við marga fyrrum stjóra Manchester United áður en hann skrifaði undir hjá félaginu í sumar.
Hann greinir sjálfur frá þessu í samtali við blaðamenn en Eriksen kom til Man Utd á frjálsri sölu frá Brentford í sumar.
Eriksen kynnti sér stöðuna hjá Man Utd áður en hann krotaði undir og ræddi við stjóra sem höfðu sinnt starfi hjá félaginu undanfarin ár.
Eriksen mun vinna undir Erik ten Hag í Manchester en hann kom til félagsins frá Ajax einnig í sumar.
,,Ég talaði við alla stjórana sem höfðu verið hjá Manchester United til að kynnast stöðunni,“ sagði Eriksen.
,,Þegar ég var hjá Tottenham gat ég ekki séð sjálfan mig spila fyrir annað félag, ég fór því erlendis og til Inter.“
Eriksen svaraði síðar játandi spurður að því hvort hann hafi rætt við Louis van Gaal, Jose Mourinho og Ole Gunnar Solskjær.
Enski boltinn á 433 er í boði 
