Heimir Guðjónsson hefur látið af störfum sem þjálfari karlaliðs Vals. Félagið staðfestir þetta.
Sæti Heimis hefur verið ansi heitt undanfarið eftir slæmt gengi í Bestu deild karla undanfarið.
Í gær tapaði Valur gegn nýliðum ÍBV, 3-2. Liðið er í fimmta sæti deildarinnar en markið var sett mun hærra, enda leikmannahópurinn góður.
Nú rétt áðan bárust fréttir af því að Ólafur Jóhannesson væri staddur á Hlíðarenda. Hjörvar Hafliðason sagði frá því. Hann er því að öllum líkindum að taka við á nýjan leik.
Ólafur var látinn fara frá FH fyrr í sumar eftir slæmt gengi.
Ólafur náði frábærum árangri með Val er hann stýrði liðinu á árunum 2014 til 2019, áður en Heimir tók við. Valur varð til að mynda Íslandsmeistari 2017 og 2018.