fbpx
Miðvikudagur 30.nóvember 2022
433Sport

Kvartar ekkert undan leikjaálagi – ,,Þetta er bara umhverfið í knattspyrnuheiminum fyrir sigursæl lið“

Helgi Sigurðsson
Mánudaginn 11. júlí 2022 15:50

Mynd/Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Í dag var haldinn fréttamannafundur fyrir leik Víkings Reykjavíkur og Malmö. Liðin mætast í seinni leik sínum í fyrstu umferð undankeppni Meistaradeildar Evrópu. Fyrri leiknum lauk með 3-2 sigri Malmö, þar sem Víkingar stóðu sig frábærlega þrátt fyrir að vera manni færri meirihluta leiks.

Það var Kristall Máni Ingason sem fékk rautt spjald í leiknum. Arnar Gunnlaugsson, þjálfari Víkings, var spurður út í hversu erfitt það yrði að fylla hans skarð. ,,Það er auðvitað erfitt að fylla upp í skarð leikmanns á borð við Kristal Mána. Við erum hins vegar með mjög sterkann og samkeppnishæfan leikmannahóp. Þó ekki leikmann með svipaðan leikstíl og hann en leikmenn sem geta gefið okkur aðra kosti. Ég er viss um að við finnum lausn við þessu.“

Flestir leikmenn liðsins eru klárir í verkefni morgundagsins. Víkingur spilaði gegn ÍA fyrir tveimur dögum síðan. ,,Staðan á leikmanna hópnum er fín. Það eru allir klárir í verkefnið fyrir utan Kyle McLagan. Malmö spilaði einnig fyrir nokkrum dögum síðan og áttu síðan ferðalag fyrir höndum hingað til Íslands þannig hvað þetta varðar búa liðin við svipað umhverfi. Þetta er bara umhverfið í knattspyrnuheiminum fyrir sigursæl lið, leikir á þriggja til fjögurra daga fresti. Leikmenn eru þreyttir en ánægðir með þessa stöðu. Ég tel að adrenalínið og spennan fyrir því að spila leik af þessari stærðargráðu muni fleyta þeim langt. Það eru engar afsakanir núna, bara tekist á við þetta,“ segir Arnar.

Það er óhætt að segja að dómgæslan í fyrri leiknum hafi fallið nokkuð gegn Víkingi. Arnar og liðið einbeita sér þó meira að eigin frammistöðu. ,,Þetta gæti haft þau áhrif að vera smá auka bensín á tankinn hjá okkur en ég horfi meira í frammistöðuna hjá okkur 11 á móti 11 sem var framúrskarandi. Við höfum horft á marga heimaleiki Malmö og það er nánast ekkert lið í sænsku deildinni sem tekur leikinn til þeirra, reyna að koma í veg fyrir yfirburði þeirra á bolta. Þannig ég var mjög ánægður með það hvernig við nálguðumst leikinn í Svíþjóð og vorum ekki hræddir við það að spila okkar leik. Það gefur okkur sjálfstraust fyrir leikinn á morgun. Það var leitt að Kristall hafi verið rekinn af velli, bæði fyrir okkur sem lið sem og leikinn sjálfan því það vilja allir sjá leik 11 leikmanna á móti 11. Við sýndum hins vegar mikinn styrk og ástríðu í framhaldinu og það getur komið manni langt.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 6 klukkutímum

Brjótandi tíðindi – Ronaldo tekur tilboði og fær 29,5 milljarð í sinn vasa á ári

Brjótandi tíðindi – Ronaldo tekur tilboði og fær 29,5 milljarð í sinn vasa á ári
433Sport
Fyrir 6 klukkutímum

Ömurlegar fregnir frá Katar: Börn á meðal þeirra sem urðu fyrir aðkasti í gær – „Gerðu það, ekki fara“

Ömurlegar fregnir frá Katar: Börn á meðal þeirra sem urðu fyrir aðkasti í gær – „Gerðu það, ekki fara“
433Sport
Fyrir 17 klukkutímum

Bandaríkin hentu Íran úr leik – Pulisic hetjan

Bandaríkin hentu Íran úr leik – Pulisic hetjan
433Sport
Fyrir 18 klukkutímum

Rashford og Foden tryggðu Englandi toppsætið og sendu Wales heim

Rashford og Foden tryggðu Englandi toppsætið og sendu Wales heim
433Sport
Fyrir 21 klukkutímum

UEFA setur af stað vinnuhóp eftir erindi frá Vöndu

UEFA setur af stað vinnuhóp eftir erindi frá Vöndu
433Sport
Fyrir 22 klukkutímum

Senegal fylgir Hollandi áfram í 16-liða úrslitin

Senegal fylgir Hollandi áfram í 16-liða úrslitin
433Sport
Í gær

Sjáðu stórfurðulegt atvik í Katar- Steinhissa á móðgandi spurningu blaðamanns

Sjáðu stórfurðulegt atvik í Katar- Steinhissa á móðgandi spurningu blaðamanns
433Sport
Í gær

Sjáðu hótelherbergi Beckham í Katar – Nóttin kostar 3,4 milljónir

Sjáðu hótelherbergi Beckham í Katar – Nóttin kostar 3,4 milljónir