Rolls-Royce bifreið Cristiano Ronaldo hefur verið fest í Lissabon í heimalandi hans, Portúgal.
Bíllinn kostaði um 97 milljónir íslenskra króna og var festur fyrir utan verslunarmiðstöð. Mynd af þessu má sjá hér að neðan.
that’s not true … even @Cristiano can’t escape to EMEL. 😂 https://t.co/456MObrLeM pic.twitter.com/YL8Qw2dHWZ
— Pedro Sepúlveda (@pedromsepulveda) July 6, 2022
Framtíð Ronaldo er í lausu lofti þessa stundina. Enskir miðlar halda því nú fram að Manchester United, félag hans, sé búið að sætta sig við að stjarnan sé að fara.
Ronaldo sneri aftur til Man Utd í fyrra, tólf árum eftir að hann yfirgaf félagið fyrir Real Madrid.
Sjálfur átti Portúgalinn fínasta tímabil en liðið olli hins vegar vonbrigðum og hafnaði í sjötta sæti. Það þýðir að Man Utd mun leika í Evrópudeildinni á næstu leiktíð, eitthvað sem Ronaldo getur ekki hugsað sér en hann ætlar að spila með liði í Meistaradeild Evrópu.
Ronaldo hefur ekki mætt til æfinga eftir sumarfrí og er ólíklegt að hann fari með Man Utd í æfingaferð. Haldið verður utan á föstudag.
Man Utd hefur hingað til haldið því fram að Ronaldo sé ekki til sölu. Nú áttar félagið sig hins vegar á því að leikmaðurinn hefur tekið ákvörðun og honum verði ekki haggað.
Ronaldo hefur hvað mest verið orðaður við Chelsea. Þá hafa Bayern Munchen og Napoli einnig verið nefnd til sögunnar. Öll félögin leika í Meistaradeildinni.