Christian Eriksen er við það að ganga í raðir Manchester United á frjálsri sölu.
Þriggja ára samningur er klár á borðinu fyrir Eriksen og aðeins læknisskoðun er ólokið. Þetta segir Fabrizio Romano.
Eriksen lék með Brentford eftir áramót á síðustu leiktíð og stóð sig frábærlega.
Hann sneri aftur á völlinn seinni hluta síðustu leiktíðar eftir að hafa farið í hjartastopp í leik með danska landsliðinu á Evrópumótinu í fyrra.
Contracts are now ready for Christian Eriksen to sign with Manchester Utd, just waiting for medical and then it will be completed. 🔴🤝 #MUFC
Three year deal confirmed, Eriksen will be next United signing after Tyrell Malacia. pic.twitter.com/bnfHw1zFw4
— Fabrizio Romano (@FabrizioRomano) July 5, 2022
Man Utd er einnig að ganga frá kaupum á Tyrell Malacia frá Feynoord. Hann er vinstri bakvörður sem Man Utd borgar um 16 milljónir punda fyrir. Hann var við það að ganga í raðir Lyon en enska félagið stal honum á síðustu stundu.
Malacia er vinstri bakvörður sem hefur verið á mála hjá Feynoord síðan 2017. Hann á að baki fimm A-landsleiki fyrir Holland.