Cristiano Ronaldo gerði nákvæmlega það sama og Jamie Carragher bjóst við en hann hefur beðið um sölu frá Manchester United.
,,Ronaldo gerði nákvæmlega það sem ég hélt, hann skoraði mörk en gerði liðið verra,“ sagði Carragher á Twitter í gær.
,,Þessi sölubeiðni staðfestir það einnig að hann hafi ekki hafnað Manchester City því hann elskar Manchester United.“
Ronaldo gekk aðeins í raðir Man Utd í fyrra og hafnaði liðið í sjötta sæti deildarinnar með hann í fararbroddi.
Það þýðir að Man Utd mun spila í Evrópudeildinni næsta vetur sem er ekki verkefni sem heillar Ronaldo.
Ronaldo er orðinn 37 ára gamall og telur sig eiga þrjú eða fjögur ár eftir í hæsta gæðaflokki og hefur áhyggjur af ástandinu hjá Man Utd í dag.
Ronaldo var mest orðaður við Man City síðasta sumar áður en hann gekk svo í raðir Rauðu Djöflana á ný.
#Ronaldo did exactly what I thought he would do, score goals but make the team worse. The transfer request also kills the idea he turned down Man City because of his love for Man United 😂 https://t.co/X7Xw9uRnm4
— Jamie Carragher (@Carra23) July 2, 2022
Enski boltinn á 433 er í boði 
