The Mirror fjallar um það í dag að þeir Frenkie de Jong og Erling Haaland séu nú þegar byrjaðir að etja kappi en ekki er það inni á vellinum.

De Jong er sagður vera að ganga í raðir Manchester United en forseti Barcelona hefur þó sagt að hann sé ekki til sölu.

De Jong vill vera áfram á Spáni samkvæmt forseta félagsins en margir miðlar halda því fram að leikmaðurinn hafi áhuga á að fara til Manchester.

Hjá Manchester City spilar Norðmaðurinn Haaland en hann gekk í raðir ensku meistaranna í sumarglugganum.

Samkvæmt Mirror þá eru leikmennirnir tveir að skoða sama húsið í Manchester og eru í harðri baráttu um að fá lyklana í sínar hendur.

Þetta hús er í eigu Ole Gunnar Solskjær en hann er að selja eftir að hafa verið rekinn frá Manchester United á síðustu leiktíð.

Teymi De Jong hefur sett sig í samband við Solskjær en Haaland mun að öllum líkindum fá glæsibýlið þar sem samband hans við landa sinn er mjög gott.

Enski boltinn á 433 er í boði