Keflavík 3 – 1 Fram
1-0 Frans Elvarsson (‘3)
2-0 Patrik Johannesen (’31)
2-1 Guðmundur Magnússon (’74)
3-1 Nacho Heras (’78)
Það fór fram einn leikur í Bestu deild karla í kvöld en spilað var á heimavelli Keflavíkur.
Keflavík tók á móti Fram í 11. umferð sumarsins en aðeins eitt stig skildi liðin að fyrir viðureignina.
Keflavík fagnaði sínum fjórða sigri í deildinni í kvöld en liðið hafði betur með þremur mörkum gegn einu.
Staðan var 2-0 fyrir Keflvíkingum eftir fyrri hálfleikinn en þeir Frans Elvarsson og Patrik Johannesen gerðu mörkin.
Guðmundur Magnússon lagaði stöðuna fyrir Fram á 74. mínútu og skoraði þar sitt tíunda mark í sumar.
Stuttu seinna gerði Nacho Heras út um leikinn fyrir heimaliðið sem er í sjöunda sætinu með 14 stig eftir sigurinn. Fram er sæti neðar með tíu.
