Thomas Tuchel knattspyrnustjóri Chelsea sagði brandara við Romelu Lukaku sem fór ekki vel í hann og stútaði í raun sambandi þeirra.

Staðfest var í gær að Chelsea hefði lánað Lukaku til Inter, ári eftir að hafa keypt hann frá Inter fyrir um 100 milljónir punda.

Lukaku fann engan takt hjá Chelsea og vildi ólmur fara. Viðtal sem hann fór í desember setti hann í vonda stöðu hjá Chelsea.

Þessi 29 ára framherji fór strax að sakna Inter og lét vita af því í viðtölum. Samkvæmt Nizaar Kinsella blaðamanni Goal voru fleiri mál sem gerðu samband Tuchel og Lukaku erfitt.

„Að sjá Lukaku tala svona um Inter í viðtali var árás á stuðningsmenn Chelsea. Það stútaði því sambandi,“ segir Nizaar Kinsella.

„Svo var annað atvik. Lukaku og Tuchel voru að horfa á Tottenham leik og Tuchel sagði ´Þarna er pabbi þinn´ um Antonio Conte. Þetta var brandari en hann fór ekki vel í Lukaku.“

Conte var stjóri Inter þegar Lukaku var þar og raðaði inn mörkum.