Rætt var um tap KR gegn Blikum, í íþróttavikunni með Benna Bó sem er á dagskrá Hringbrautar alla föstudaga klukkan 21. Pálmi Rafna Pálmason, fyrirliði KR, sat í settinu með Herði Snævari Jónssyni, íþróttastjóra Torgs en KR fékk fimm góð færi í fyrri hálfleik gegn Blikum sem ekki tókst að nýta.
Pálmi Rafn benti á að tapið hefði verið svekkjandi og óverðskuldað en lítið væri hægt að breyta því liðna. „Það er stundum sagt að þetta sé hið fallega við fótboltann en stundum er það líka hið ljóta líka.“
Athygli vakti að í Doktor Football sagði Hrafnkell Ágústsson, sérfræðingur, að KR hefði varla fengið nein sérstök færi. Eitthvað sem kom Pálma mjög á óvart. „Hann horfði semsagt ekki? Nei nei. Það er líka það skemmtilega við fótboltann að menn sjá þetta misjöfnum augum. Sumir sjá þetta öðruvísi en aðrir og það er gott og blessað.“